ආයුබෝවන්

ආයුබෝවන් මිත්‍රවරුනි, පුරාවෘත්තයන්ගේ පාරාදීසයට ඔබ සැම සාදරයෙන් පිළිගනිමු.

ගල් යුගයේ සිට ශිෂ්ටාචාරයේ හිණිමඟ පෙතින් පෙත ඉහලට පැමිණි මානව වර්ගයා සොබාදහමේ පරිකල්පනයේ හා බුද්ධියේ ඉහලතම පුරුකයි. ඉතිහාසය පුරාවටම අපි ආ ගමන් මඟ සත්‍යය හා මිත්‍යාව මුසු වූ සුන්දර අසුන්දර කැටයම් වලින් හැඩවී ඇත. ලෝකයේ පැවති එවැනි ශ්‍රේෂ්ඨ ශිෂ්ටාරයන් හා බැඳුණු පුරාණෝක්ති විටෙක ප්‍රබන්ධයන්ටද වඩා රසවත් වේ. එකල මිනිසාගේ පරිකල්පනයේ විශිෂ්ටතාවය පිළිඹිබු කරන එම පුරාවෘත්තයන් තුල ශිෂ්ටාචාරයේ අක්මුල් සැඟව ඇත්තේය. විශිෂ්ට නිර්මාණ, කලා කෘති, විද්‍යාත්මක මූලධර්මයන්ගේ මූල බීජ මේවායේ ගැබ්ව ඇත. 

ග්‍රීක, රෝම, නෝවීජියානු, ඉන්කා, ඇස්ටෙක්, මායා, රතු ඉන්දියානු, ස්කැන්ඩිනේවියානු, මොංගෝලියානු, ඊජිප්තු, අප්‍රිකානු, භාරතීය, චීන, රුසියානු ආදී නේක විද සභ්‍යත්වයන්ගේ ගැබ් වූ මේ පුරාවෘත්තයන් අපේ මනසේ විචිත්‍ර පාරාදීසයක් මවා පෙන්වයි. මේ බ්ලොග් අඩවිය එවැනි පුරාවෘත්ත ගත පුරාණෝක්තීන් කැටි කොට ඔබට පිරිනැමීමට ගන්නා තවත් එක් උත්සහායකි. එසේනම් ඉදිරි පිටුවලින් හමුවෙමු. රැඳෙන්න අපත් සමඟ.